Gizarte
zerbitzuak
Landa ingurunearen garapen integralerako eta
bizi baldintzen hobekuntzan gizarte zerbitzuek
garrantzia handia dute.
Tolomendi ohartzen da landa ingurunean bereziki
gizarte zerbitzuek egun dituzten hutsune eta
beharrak handiak direla eta bitarteko falta
berriz nabarmena.
Gipuzkoako Foru Aldundiko Gizarte politika
departamentuak ateratako HURBILTZEN programa
aurrerapauso bat dela uste dugu, baina dituen
hutsuneak kontuan hartuz gehiago jorratu behar
dela.
Tolomendik, MENDIKOI eta Eusko Jaurlaritzarekin
antolaturiko jardunaldietan tolosaldeko LGP
hartu zen oinarri gisa eta “osasun eta
gizarte zerbitzuen” atalean hainbat
aportazio egin zituzten eskualdeko eragile
desberdinek.
Honako helburu estrategikoak eta jarduera
planak (ekintzak) zehaztu ziren:
GAUR EGUN DAGOEN
OSASUN ZERBITZUA HOBETU
Osasun zerbitzua landa eremuko beharretara
egokitu:
- Gutxieneko zerbitzuak bermatzeko medikuak
eta erizainak bideratu Osakidetzatik.
- Osasun azpiegiturak sortu edo egokitu (kontsultak,
altzariak, irisgarritasuna...).
- Farmazia zerbitzua egokitu (botikina...).
Dagoen eskeintza zabaldu eta hobetu:
- Larrialdi zerbitzuak antolatu eta egokitu
(unitate ibiltari medikalizatu gehiago, lehen
sorospen zerbitzua herrian bermatu...).
LANDA EREMUKO BIZTANLEEI
OINARRIZKO GIZARTE ZERBITZUAK BERMATU.
Jendea gizarte zerbitzuen abantailaz
sentsibilizatu:
- Udal ordezkariak gizarte zerbitzuez sentsibilizatu
eta ardura politikoak exigitu.
- Gizarte laguntzaileek herritarrei eman beharreko
informazioa indartzeko baliabideak jarri.
Gizarte asistentzia landa eremuaren
beharretara egokitu:
- Etxez-etxeko laguntza indartu.
- Oinarrizko beharrei erantzuteko zerbitzuak
antolatu.
- Gutxieneko gizarte zerbitzuak arautu eta
finkatu.
Landa eremuko biztanleei gizarte
zerbitzuak izateko bidea erraztu:
- Garraio zerbitzua indartu.
- Landa eremuko zentro balioanizdunak bultzatu
(eguneko-zentro, topagune...).
- Dinamizatzaileen papera indartu.
Baliabideei ahalik eta etekin gehien
atera:
- Zerbitzuak modu bateratu eta antolatu
batean eman (zerbitzu egitura amankomun
baten bideragarritasuna aztertu).
Aportazio hauek kontuan hartuz Tolomendik
garatu beharreko ekintzak definituko dira.
|
